نيويارڪ-13 ڊسمبر (اي پي پي) آمريڪا جي نئين چونڊيل صدر ڊونلڊ ٽرمپ يوڪرين طرفان روس اندر پري تائين ميزائيل فائر ڪرڻ جي مخالفت ڪئي آهي. پرڏيهي خابرو اداري موجب امريڪا جي نئين چونڊيل صدر ڊونلڊ ٽرمپ گذريل ڏينهن شايع ٿيل هڪ انٽرويو ۾ هن چيو ته هو يوڪرين طرفان روس ۾ پري تائين آمريڪي فراهم ڪيل ميزائل فائر ڪرڻ جي مخالفت ڪري ٿو، ٽرمپ چيو ته هو يوڪرين کي اڪيلو نه ڇڏيندو، ڇو ته يوڪرين لاءِ آمريڪي حمايت جنگ کي بند ڪرڻ جي ڪوششن ۾ اهم فائدو هوندو. اڳوڻي صدر جوبائيڊن جي انتظاميه يوڪرين کي ڊگهي فاصلي تائين مار ڪندڙ اي ٽي اي سي ايم ايس ميزائيل فراهم ڪيا آهن جيڪي روس اندر پري تائين فائر ڪيا ويا، روس جوابي ڪارروائي ۾ پنهنجي نئين هائپرسونڪ ميزائيل سان جواب ڏنو آهي. ٽرمپ انٽرويو ڏيندي چيو ته هو روس ۾ ڪيترائي ميل اندر تائين ميزائيل فائر ڪرڻ خلاف آهي، هن جي خيال ۾ اهو هڪ بيوقوفي وارو فيصلو آهي. هن وڌيڪ چيو ته اهڙي طرح اسان جنگ کي وڌائي رهيا آهيون ۽ ان کي وڌيڪ خراب ڪري رهيا آهيون، اسان هڪ معاهدي تائين پهچڻ چاهيون ٿا.
