اسلام آباد – 01 – نومبر (اي پي پي) وزيراعظم محمد شهباز شريف پنهنجو سعودي عرب ۽ قطر جو دورو مڪمل ڪري اسلام آباد پهچي ويو. وزيراعظم آفيس جي پريس ونگ موجب ان کان اڳ دوحه جي عالمي هوائي اڏي تي قطر جي ثالثي بابت مملڪتي وزير محمد بن عبدالعزيز بن صالح الخليفي، قطر ۾ مقرر پاڪستاني سفير ۽ ٻئي سفارتي عملي وزيراعظم کي رخصت ڪيو. پنهنجي ٻن ڏينهن جي قطر جي دوري دوران وزيراعظم قطر جي امير، قطر جي وزيراعظم سان ملاقات ڪئي. قطر ميوزيم ۾ پاڪستاني آرٽ ۽ ڪلچر جي فروغ جي حوالي سان نمائش ”منظر“ جو افتتاح ڪيو. وزيراعظم سان قطر بزنس مين ايسوسيئيشن جي وفد پڻ ملاقات ڪئي.
