بيجنگ-03 اپريل (اي پي پي)چين جي صدر شي جن پنگ آمريڪي هم منصب جو بائيڊن کي ٻڌايو آهي ته تائيوان جو مسئلو آمريڪا ۽ چين وچ ۾ ڳاڙهي لڪير آهي جنهن کي پار نه ڪرڻ گهرجي. پرڏيهي خابرو اداري موجب چيني اڳواڻ بائيڊن سان ٽيليفون تي ڳالهائيندي چيو ته تائيوان جي آزادي جي حامي طاقتن جي علحيدگي پسند سرگرمين کي برداشت نه ڪيو ويندو. هن اميد ظاهر ڪئي ته آمريڪي صدر چين جي ان بيان تي عمل ڪندي تائيون جي آزادي جي حمايت نه ڪندو.
