ايران -02 اپريل (اي پي پي ) ايران گذريل ڏينهن شام جي گادي واري هنڌ دمشق ۾ ايراني سفارت خاني تي ٿيل اسرائيلي فضائي حملي کانپوءِ ان ڪاروائي جو جواب ڏيڻ جو اعلان ڪيو آهي . العربيه موجب ايراني پرڏيهي وزير حسين امير عبدالهنان عالمي برادري کي مطالبو ڪيو ته هو شام ۾ ايراني سفارت خاني تي اسرائيلي بمباري تي سنگين رد عمل ظاهر ڪري هن شامي هم منصب سان فون تي ڳالهائيندي چي ته اسرائيلي حملو سمورن عالمي ذميارين ۽ ڪنونشنز خلاف ورزي آهي ان ڪاروائي جا نتيجن لاءِ اسرائيل کي جوابده ڄاڻايو ويندو ان حملي تي عالمي سطح تي سنجيده ۽ بهتر رد عمل جي ضرورت آهي . اسرائيل جي ان جارحيت تي ايراني جوابي ڪاروائي جو حق رکي ٿو ٻئي پاسي ايراني پرڏيهي وزير جي ترجمان ناصر ڪنعاني به چيو ته ايران دمشق ۾ پنهنجي سفارت خاني تي اسرائيلي حملي جي جواب ۾ قدم کڻڻ جو حق محفوظ رکي ٿو ۽ ايران جارحيت ڪندڙن خلاف رد عمل ۽ بدلجڻ جو فيصلو پاڻ ڪندو .
