جنيوا-01 اپريل (اي پي پي ) عالمي صحت واري اداري ( ڊبليو ايڇ او ) چيو آهي ته غزه جي سڀ کان وڏي اسپتال الشفا اسپتال ۾ 18 مارچ تي اسرائيلي فوج جي ٻي ڇاپا مار ڪاروائي کان پوءِ هيل تائين 21 مريض فوت ٿي چڪا آهن . ڊبليو ايڇ او جي ڊائريڪٽر جنرل ٽيڊروس ازهانوم گريبيس هڪ بيان ۾ چيو ته الشفا جي اندر هڪ هيلٿ ورڪر جو حوالو ڏيندي چيو ته 100 کان به وڌيڪ مريض ( جن ۾ ٻار ۽ 28 نازڪ مريض شامل آهن اسپتال جي اندر ڦاٿل هيا انهنجي سار سنڀال جا ضروري ذريع نه هيا ڊبليو ايڇ او جي اڳواڻ اسپتال جي بگڙجندڙ صورتحال تي ڳڻتي جو اظهار ڪندي چيو ته صفائي ۽ پاڻي جي گهٽتائي سبب بيماريون پکڙجي رهيو آهن هن خبر دار ڪيو ته کاڌو تمام محدود آهي ۽ ذيابطس جي مريضن لاءِ ممڪن طور تي خطر ناڪ آهي انهنجي حالت خراب ٿي رهي آهي هن اسرائيل تي زور ڀريو ته انساني همدردي جي بنيادي تي مريضن جي جان بچائي سگهجي ٿي .
