بارسلونا- 02 فيبروري (اي پي پي) اسپين جي اترئين علائقي ڪاتالونيا بارسلونا ۽ ان جي ڀرپاسي ۾ ڏڪار جي هنگامي حالت لاڳو ڪئي وئي آهي. العربيه موجب تالونيا جي علائقائي حڪومت جي سربراهه پيري آرا گونيس ان قدم جو اعلان روم سمنڊ جي ڪناري واري خطي جي آبي ذخيرن ۾ پاڻي جي سطح جذب ڪرڻ جي صلاحيت جي 16 سيڪڙو کان هيٺ ڪِرڻ کانپوءِ ڪيو. هن چيو ته پاڻي جي بچت جي قدمن سان 6 ملين ماڻهو متاثر ٿيندا، ان هنگامي حالت جي اعلان بعد تالونيا جي جنرل ڪائونسل طرفان ڏڪار سبب ڪفايت شعاري جي قدمن طور جمن ۽ راندين جي مرڪزن ۾ شاورز تي پابندي لڳائڻ جي تجويز پيش ڪئي آهي.
