برازيليا – 29 جنوري (اي پي پي) ڏکڻ اوڀر برازيل ۾ ننڍو جهاز حادثي ڪري تباهه ٿيڻ جي نتيجي ۾ 7 ڄڻا اجل جو شڪار ٿي ويا. عالمي سڌ سماءُ وارن ذريعن مطابق برازيل جي ڏکڻ اوڀر واري رياست ميناس گيريس جي ٻهراڙي واري علائقي ايتاپيوا ۾ ننڍو جهاز ڪري تباهه ٿي ويو جنهن جي نتيجي ۾ جهاز ۾ سوار 7 ڄڻا اجل جو شڪار ٿي ويا. رياست جي فائر ڊپارٽمنٽ جي حوالي سان ٻڌايو ويو آهي ته اداري جي شروعاتي رپورٽ مان معلوم ٿيو آهي ته اکين ڏٺن شاهدن مطابق جهاز ۾ زمين تي ڪرڻ کان اڳ ئي هوا ۾ ئي باهه لڳي وئي هئي. رهائشين مطابق حادثي کانپوءِ جهاز جابلو علائقي ۾ وڻن وچ ۾ ڪري پيو.
