رياض- 22 جنوري (اي پي پي) سعودي عرب ۾ ريل گاڏي ذريعي سفر ڪندڙ مسافرن جي انگ ۾ هڪ سال دوران 55 سيڪڙو واڌ ٿي آهي. سعودي ريلوي ڪمپني (سار) جي جاري ڪيل انگن اکرن مطابق مملڪت ۾ سال 2023ع دوران 11.2 ملين ماڻهن 32 هزار کان وڌيڪ ريل گاڏين ۾ سفر ڪيو. نسافرن جو اهو انگ 2022ع جي ڀيٽ ۾ 55 سيڪڙو وڌيڪ رهيو. سار جي ايگزيڪيوٽو چيئرمين ڊاڪٽر بشارالملڪ ٻڌايو ته سال 2023ع دوران نال گاڏين وسيلي 24.7 ملين ٽن کان وڌيڪ جي معدنيات ۽ سامان منتقل ڪيو ويو جيڪو سال 2022ع جي ڀيٽ ۾ 6 سيڪڙو گهٽ آهي. ڊاڪٽر بشارالملڪ جو چوڻ هو ته سال 2023ع دوران سعودي ريلوي ڪاميابي جو رڪارڊ قائم ڪيو آهي.
