ٽوڪيو-19 جنوري (اي پي پي)جاپان جي سياحت واري کاتي چيو آهي ته 2023 دوران پرڏيهي سياحن جاپان ۾ رڪاڊ رقم خرچ ڪئي جيڪا عالمي وبا کان اڳ جي سطح ۽ حڪومت جي سالياني هدف 50 کرب ين کان وڌيڪ آهي، اين ايڇ ڪي سياحتي اداري جي انگن اکرن جي حوالي سان ٻڌايو آهي ته پرڏيهي سياحن جاپان ۾ گذريل سال قيام دوران اٽڪل 53 کرب ين (36 ارب ڊالر) خرچ ڪيا جن ۾ رهائش جا خرچ پڻ شامل آهن، اها رقم 2019 کان اٽڪل 10 سيڪڙو وڌيڪ آهي.قومي سياحتي اداري موجب گذريل سال پرڏيهي سياحن جو تعداد اڍائي ڪروڙ کان وڌيڪ رهيو هو ۽ 2019 جي ريڪاڊ جو اٽڪل 80 سيڪڙو ۽ 2022 جي ڀيٽ ۾ اٽڪل 6 سيڪڙو وڌيڪ اضافو آهي.
