گڏيل قومون-17 جنوري (اي پي پي)گڏيل قومن جي جنرل اسيمبلي سمنڊ جي سطح ۾ اضافي وارن خطرن کي منهن ڏيڻ لاءِ اجلاس گهرائڻ جي منظوري ڏئي ڇڏي. ميڊيا رپورٽن موجب ٺهراءَ ۾ فيصلو ڪيو ويو آهي اجلاس 25 سيپٽمبر 2024 تي جنرل اسيمبلي جي جنرل ڊيبيٽ اجلاس جي موقعي تي ڪيو ويندو، ٺهراءَ ۾ جنرل اسيمبلي جي صدر کي درخواست ڪئي وئي ته اهو گڏيل قومن جي ميمبر ملڪن سان کليل ،شفاف ۽ جامع صلاح سان ممڪنه نتيجن جي دستاويزن سميت اعليٰ سطح جي اجلاس لاءِ انتظامن کي حتمي شڪل ڏئي.
