گڏيل قومون-16 جنوري (اي پي پي) گڏيل قومن جي سيڪريٽري جنرل انتونيوگوتريس چيو آهي ته گڏيل قومون کي غزه ۾ جاري بمباري سبب انساني همدردي جي بنياد تي امداد پهچائڻ ۾ ڪيتريون ئي رڪاوٽون اچي رهيون آهن . روسي خابرو اداري تاس مطابق هن ايڪس تي جاري بيان ۾ چيو ته غزه ۾ شديد بمباري سبب اسان اتي موثر طريقي سان انساني امداد نٿا پهچائي سگهون . اسان کي سيڪيورٽي جي ضرورت آهي . اهڙو ماحول جتي عملو حفاظت سان ڪم ڪري سگهي ته جيئن ضروري رسد ۽ واپاري سرگرميون ٻيهر شروع ڪري سگهجن . هن چيو ته هن وقت غزه ۾ ڪٿي به ڪو محفوظ ناهي .
