پيانگ يانگ-16 جنوري (اي پي پي) اُتر ڪوريا اطلاع ڏنو آهي ته هڪ هائپر سونڪ وار هيڊ جي صلاحيت رکندڙ ٺوس ٻارڻ جي هلندڙ وچولي مفاصلي تائين مار ڪندڙ بيلسٽڪ ميزائل جو تجربو ڪيو آهي. ٽي آر ٽي مطابق اُتر ڪوريا جي نيشنل ايروناٽڪس اينڊ اسپيس ڊولپمينٽ ايڊمنسٽريشن طرفان جاري ڪيل بيان مطابق وچولي مفاصلي تائين مار ڪندڙ ميزائل جي اُڏام جو تجربو ڪيو ويو آهي. بيان ۾ وڌيڪ دعويٰ ڪئي وئي آهي ته اهو تجربو پنهنجي مقصد ۾ ڪاميابيءَ سان ڪيو ويو.
