بيجنگ – 12 جنوري (اي پي پي) چين جي قومي انگن اکرن واري اداري چيو آهي ته صارفي قيمتن ۾ 0.2 سيڪڙو اضافو رڪارڊ ڪيو ويو آهي. چيني خابرو اداري مطابق قومي انگن اکرن واري اداري طرفان جاري بيان ۾ چيو ويو آهي ته 2023 ۾ چين ۾ صارفي قيمتن ۾ سال به سال 0.2 سيڪڙو اضافو ٿيو، ڊسمبر 2023 ۾ صارفي قيمتن ۾ 0.3 سيڪڙو جي گهٽتائي ٿي، ۽ ماهوار بنيادن تي 0.1 سيڪڙو اضافو ٿيو. انهن ۾ عام واهپي جي شين ۾ 3.7 سيڪڙو گهٽتائي ۽ ٻين شين جي قيمتن ۾ 0.5 سيڪڙو اضافو ٿيو جڏهن ته صارفين جي شين جي قيمتن ۾ 1.1 سيڪڙو گهٽتائي ۽ خدمتن جي قيمتن ۾ 1.0 سيڪڙو اصافو ڏٺو ويو آهي. ڊسمبر 2023 ۾ ملڪ ۾ صنعتي پروڊيوسرز جي قيمتن ۾ 2.7 سيڪڙو ۽ ماهوار بنيادن تي 0.3 سيڪڙو گهٽتائي ٿي جڏهن ته صنعتي پروڊيوسرز جي خريداري جي قيمتن ۾ ساليانو 3.8 سيڪڙو ۽ ماهوار بنيادن تي 0.2 سيڪڙو گهٽتائي ٿي. 2023 جي سڄي سال لاءِ صنعتي پروڊيوسرز جي قيمتن ۾ ساليانو 3.0 سيڪڙو ۽ صنعتي پروڊيوسرز جي خريداري جي قيمتن ۾ 3.6 سيڪڙو جي گهٽتائي ٿي.
