ٽوڪيو-05 جنوري (اي پي پي) جاپان ۾ 7.6 جي شدت سان آيل زلزلي سبب فوتگين جو تعداد 92 ٿي ويو آهي جڏهن ته 242 ماڻهو گم آهن. ميڊيا رپورٽن موجب زلزلي دوران گم ٿي ويل ماڻهن جي ڳولا جاري آهي. زلزلي کان پوءِ سڀ کان وڌيڪ متاثر ٿيل شهر وجيما آهي جتي گهٽ ۾ گهٽ 40 ماڻهو ڀنجو هيٺان دٻيل آهن. جاپان سيلف ڊيفنس فورسز جا اٽڪل 4 هزار 600 ڪارڪن زلزلي متاثرن علائقن ۾ امدادي ڪارروايون ڪري رهيا آهن، ڪيوڊو جاپان جي جيو اسپيشل انفارميشن اٿارٽي جي تازن انگن اکرن جي حوالي سان ٻڌايو آهي ته زلزلي دوران وجيما شهر جي مرڪز ۾ باهه لڳڻ سبب اٽڪل 84 ڪلو ميٽر جو علائقو تباهه ٿي ويو آهي.
