عمان-05جنوري (اي پي پي) اردن جي گادي واري شهر عمان جي سپر مارڪيٽن ۾ اولهه وارين مشروبات جي بائيڪاٽ کانپوءِ مقامي طور تي تيار ڪيل مشروبات جي وڪري ۾ اضافو ٿي ويو آهي. ميڊيا رپورٽن موجب غزه ۾ جنگ دوران عمان جي سپر مارڪيٽن جي جن ريڪس ۾ پيپسي ۽ ڪوڪو ڪولا نظر ايندي هئي اتي مقامي طور تي تيار ٿيل مشروبات نظر اچي رهيا آهن جن کي شهري متبادل طور تي خريد ڪري رهيا آهن، گذريل ٻن مهينن دوران اولهه ڪمپنين جي مشروبات جي وڪري ۾ تيزي سان گهٽتائي آئي آهي، پيپسي ۽ ڪوڪو ڪولا جي جڳهه وٺندر مشروبات سڀني کان اڳيان آهي، جنهن کي اردن جي ڪمپني دفاف النهرين 2008ع ۾ لانچ ڪيو هو. رپورٽ موجب بائيڪاٽ جو اهو سلسلو اردن ۽ بين عرب ملڪن ۾ وڌي رهيو آهي، جتان جي عوام جو چوڻ آهي ته فلسطين تي اسرائيل جو قبضو آمريڪي ۽ يورپي ملڪن ۽ ڪارپوريشنز جي حمايت کانسواءِ ممڪن نٿو ٿي سگهي.
