رياض- 02 جنوري (اي پي پي) سعودي عرب جي شاهه سلمان بن عبدالعزيز ولي عهد شهزاده محمد بن سلمان جي سفارش تي سٽيزن اڪائونٽ پروگرام کي هلندڙ سال تائين جاري رکڻ جي منظوري ڏئي ڇڏي آهي. سعودي پريس ايجنسي مطابق ولي عهد شهزاده محمد بن سلمان سٽيزن اڪائونٽ کي سال 2024ع تائين جي پڄاڻي تائين ۽ ان ۾ رجسٽريشن جو پروگرام جاري رکڻ جي سفارش ڪئي هئي جنهن کي منظور ڪيو ويو آهي. واضح رهي ته سٽيزن اڪائونٽ پروگرام تحت معاشري جي تبديل ٿيندڙ حالتن ۾ شهرين تي معاشي بار گهٽائڻ لاءِ پروگرام شروع ڪيو ويو هوجنهن ۾ وڌيڪ واڌ جولاءِ 2022 ع ڪئي وئي هئي.
