بيجنگ_29 ڊسمبر(اي پي پي) چين جي ٽيڪنالوجي ڪمپني هواوي چيو آهي ته آمريڪي پابندين باوجود ان جي 2023 جي سالياني آمدني ۾ 9 سيڪڙو يعني 700 ارب يوان (99.4 ارب ڊالر) کان وڌيڪ رهڻ جو امڪان آهي.ميڊيا رپورٽن موجب هواوي جي چيئرمين ڪين هوي چيو آهي ته سالن جي محنت کان پوءِ اسان آمريڪي پابندين جو مقابلو ڪرڻ جي قابل ٿيا آهيون، 2023 ۾ اسان جي آمدني 700 ارب يوان کان وڌيڪ رهڻ جو امڪان آهي جيڪا 2022 جي ڀيٽ ۾ اٽڪل 9 سيڪڙو وڌيڪ آهي.هواوي هلندڙ سال پنهنجو ميٽ 60 نالي پروهينڊ سيٽ جاري ڪيو آهي جيڪو مقامي طور تي تيار ڪيل ڊيوائس آهي، ان ڊيوائس جي تياري کان پوءِ عالمي برادري ۾ پابندين باوجود چين جي ٽيڪنيڪل ڪاميابي جو اعتراف ڪيو پيو وڃي.
