بغداد_29 ڊسمبر(اي پي پي)عراق جي 18 مان 15 صوبن ۾ ٿيل صوبائي چونڊن جي حتمي نتيجن جو اعلان ڪيو ويو آهي، ميڊيا رپورٽن موجب عراق آزاد هاءِ اليڪٽورل ڪميشن (آءِ ايڇ اي سي) جي حوالي سان ٻڌايو آهي ته نيم خودمختيار ڪردستان جي علائقي جي ٽن صوبن سميت ملڪ جي باقي 15 صوبن ۾ ٿيل صوبائي چونڊن جي حتمي نتيجن جو اعلان ڪيو ويو آهي، حشد الشعبي فورسز سان لڳاپيل بدر تنظيم جي اڳواڻ هادي العامري جي سربراهي ۾ نبني اتحاد بغداد سميت ڏهن صوبن ۾ 43 سيٽون حاصل ڪيو ن آهن، پارليمنٽ جي هٽايل اسپيڪر محمد الحلبوسي جي سربراهي ۾ سني اتحاد جنهن کي تقدم (ترقي) چيو ويندو آهي پنجن صوبن ۾ 21 سيٽون حاصل ڪيون آهن. عراقي آزاد هاءِ اليڪٽورل ڪميشن جي انگن اکرن موجب 16 ملين کان وڌيڪ اهل ووٽرز مان اٽڪل 6.6 ملين 18 ڊسمبر جي عام چونڊن ۽ 16 ڊسمبر تي وقت کان اڳ ٿيل ووٽنگ دوران ووٽ وڌا. ووٽرز 5،901 اميدوارن مان صوبائي ڪونسلن لاءِ 285 نون ميمبرن جي چونڊ ڪئي، واضع رهي ته عراق ۾ آخري ڀيرو صوبائي چونڊون اپريل 2013 ۾ ٿيون هيون.
