دبئي_29 ڊسمبر(اي پي پي) دبئي ۾ ڪوهيڙي واري صورتحال کان پوءِ ڊرائيورن کي هدايتون جاري ڪيون ويون آهن. دبئي پوليس جي جنرل ڊپارٽمنٽ آف ٽريفڪ جي ڊائريڪٽر ميجر جنرل چيو آهي ته روڊن تي ڪوهيڙي سبب موٽر سائيڪل سوارن کي خاص طور تي احيتاط ڪرڻ گهرجي، گاڏين وچ ۾ محفوظ مفاصلو نه رکڻ سبب حادثا پيش اچي سگهن ٿا جنهن جي نتيجي ۾ مالي ۽ جاني نقصان ٿي سگهي ٿو ، پوليس عملدارن ڊرائيون تي زور ڀريو آهي ته اهي ڪوهيڙي سبب خطرناڪ حادثن کان بچڻ لاءِ موسميات کاتي پاران جاري ڪيل اڳڪٿين تي نظر رکن، فوگ لائٽن جو استعمال يقيني بڻائن،هاءِ بيم جو استعمال نه ڪن،ڊرائيونگ دوران روڊ تي ڌيان رکن،جڏهن ته معمولي حادثن جي صورت ۾ ٽريفڪ رواني کي متاثر نه ڪن.
