هوانا-27 ڊسمبر (اي پي پي) ڪيوبا جي صدر ميگوئل ڊياز ڪينل اسرائيل کي دهشتگرد رياست قرار ڏيندي چيو آهي ته اسرائيل طرفان غزه ۾ فلسطينين جي نسل ڪشي پوري انسانيت جي تذليل آهي. الجزيره موجب سوشل ميڊيا تي جاري بيان ۾ هن چيو ته اسرائيلي فوج غزه ۾ فلسطينين جي نسل ڪشي ڪري رهي آهي. هن ان تي اسرائيل کي سخت تنقيد جو نشانو بڻائيندي سوال ڪيو ته اسرائيل ڪيستائين پنهنجي ڏوهن کان ڇوٽ حاصل ڪندو، هن وڌيڪ سوال ڪيو ته اسرائيل کي فسلطينين جو قتل عام ڪرڻ جي آزادي ڪيستائين حاصل رهندي؟ هن چيو ته سندن ملڪ ان معاملي ۾ لاتعلقي جي پاليسي تي عمل پيرا نه ٿيندو ۽ هر ڀيري فلسطينين لاءِ آواز اٿاريندو رهندو.
