بيجنگ- 06 ڊسمبر (اي پي پي) دنيا جي پهرين فورٿ جنريشن ٽيڪنالاجي رکندڙ ايٽمي پاور پلانٽ باضابطه طور ڪم شروع ڪري ڇڏيو آهي. چين جي خابرو اداري نيشنل انرجي ايڊمنسٽريشن ۽ چائنا هوانينگ گروپ جي بيان جي حوالي سان ٻڌايو ته دنيا جو پهريون فورٿ جنريشن ايٽمي پاور پلانٽ، شيداوان هاءِ ٽيمريچر گيس ڪولڊري ايڪٽر (ايڇ ٽي جي آر) نيوڪليئر پاور پلانٽ، اربع ڏينهن اوڀر چين جي صوبي شانڊونگ ۾ باضابطه طور تي ڪمرشل آپريشن لاءِ هلايو ويو آهي. هي منصوبو جنهن لاءِ چين مڪمل طور تي آزاداڻي ملڪيت دانشوراڻي حقن جو مالڪ آهي، رونگچينگ ڪانٽي، ويهاتي سٽي ۾ واقع آهي ۽ ان کي چائنا هوانينگ گروپ، شنکوا يونيورسٽي ۽ چائنا انٽرنيشنل نيوڪليئر ڪارپوريشن گڏيل طور تي تيار ڪيو آهي. هوانينگ شيڊوا بي نيوڪليئر پاور ڪمپني جي جنرل مينيجر زانگ ينزو چائنا ميڊيا گروپ کي ٻڌايو ته نصب ٿيل نيوڪليئر پاور پلانٽ جي صلاحيت 200،000 ڪلوواٽ آهي ان جي اوزارن جي لوڪلائيزيشن جي شرح 93.4 سيڪڙو تائين پهچي وئي آهي، زانگ چيو ته 168 ڪلاڪن جو مستحڪم آپريشن ٽيسٽ پاس ڪرڻ بعد پاور گرڊ کي صاف ۽ مستحڪم بجلي جي مسلسل فراهمي لاءِ ان منصوبي کي باضابطه طور تي ڪمرشل آپريشن ۾ وڌو ويو، جيڪو ايڇ ٽي جي آر نيوڪليئر پاور ٽيڪنالاجي جي شعبي ۾ چين جي عالمي قيادت جي علامت آهي.
