
اسلام آباد – 31 جولاءِ (اي پي پي) ڪابينا جي اقتصادي رابطا ڪميٽي (اي سي سي) عوام کي رليف ڏيڻ جي لاءِ ننڍن تندورن جي لاءِ گئس جي قيمتن ۾ اضافي کي واپس وٺندي ان کي 30 جون 2019ع جي سطح تي بحال ڪري ڇڏيو آهي، اي سي سي ماني جي پراڻي قيمت تي وڪري کي يقيني بڻائڻ جي لاءِ صوبائي حڪومتن ۽ لاڳاپيل عملدارن کي موثر پرائيس ڪنٽرول کي يقيني بڻائڻ جي هدايت ڪئي آهي، اقتصادي رابطا ڪميٽي ڪپهه جي درآمد تي 10 سيڪڙو ريگيوليٽري ڊيوٽي لاڳو ڪرڻ جو فيصلو پڻ ڪيو آهي. ڪابينا جي اقتصادي رابطا ڪميٽي جو اجلاس وزيراعظم جي ناڻي ۽ اوڳاڙين بابت صلاحڪار ڊاڪٽر عبدالحفيظ شيخ جي صدارت ۾ ٿيو.