پاڪستان ۽ سعودي عرب ۾ پارلياماني وفدن جي مٽاسٽا سان ڄاڻ ملندي: وزيراعظم

اسلام آباد – 25 اپريل (اي پي پي) وزيراعظم عمران خان پاڪستان ۽ سعودي عرب جي وچ ۾ پارلياماني وفدن جي مٽاسٽا جي اهميت کي اجاگر ڪندي چيو آهي ته ان سان هڪٻئي جي قانونسازي واري نظام جي بهتر ڄاڻ ملندي. هن اها ڳالهه سعودي شوريٰ جي چيئرمين ڊاڪٽر عبدالله محمد ابراهيم الشيخ ۽ سندس وفد جي ميمبرن سان ڳالهائيندي چئي جنهن وزيراعظم آفيس ۾ ساڻس ملاقات ڪئي.