اسلام آباد – 15 مارچ (اي پي پي) قومي اسيمبلي جي اسپيڪر اسد قيصر چيو آهي ته غريب، لاچار ۽ ضرورتمند ماڻهن جي مدد ڪرڻ اسان جو ديني ۽ قومي فرض آهي ان ڀلائي جي ڪم ۾ حصو وٺندڙ ماڻهو واکاڻ جوڳا آهن ۽ اهي نه رڳو پنهنجي دنيا پر پنهنجي آخرت کي به سنواري رهيا آهن. هن اهڙن خيالن جو اظهار بينظير انڪم سپورٽ پروگرام (بي آءِ ايس پي) جي چيئرپرسن ڊاڪٽر ثانيه نشتر سان ملاقات دوران ڪيو، جنهن پارليامينٽ هائوس ۾ ساڻس ملاقات ڪئي.
