اسلام آباد – 27 آڪٽوبر (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته ڪشميري عوام جون قربانيون رنگ لائينديون ۽ والاريل ڪشمير جي عوام جلد آزادي ماڻيندي. ڀارت پاران والاريل ڪشمير تي 27 آڪٽوبر 1947ع تي غيرقانوني قبضي جي حوالي سان ملهايل ڪاري ڏينهن جي موقعي تي پنهنجي پيغام ۾ هن چيو ته پورو پاڪستان ڪشميرين سان گڏ بيٺل آهي ۽ انهن جي آزادي جدوجهد ۽ ڀارت جي رياستي ظلمن خلاف انهن جي قربانين کي سلام پيش ڪري ٿو. هن چيو ته پاڪستان ۾ رهندڙ ڪشميري ۽ سڄي دنيا ۾ رهندڙ ڪشميرين ڪارو ڏينهن ملهايو ڇو ته ان ڏينهن ڀارتي فوج عالمي قانونن جي خلاف ورزي ڪندي ڪشمير جي رياست تي غيرقانوني قبضو ڪيو هو.