نيويارڪ – 21 سيپٽمبر (اي پي پي) وزيراعظم شاهد خاقان عباسي سان نيويارڪ ۾ نوبل انعام يافته ملاله يوسفزئي ملاقات ڪئي آهي. وزيراعظم آفيس طرفان جاري بيان موجب وزيراعظم سان ملاقات دوران ملاله يوسفزئي وزيراعظم کي پاڪستان ۾ تعليم خاص طور تي عورتن جي تعليم جي فروغ لاءِ پنهنجي ڪوششن کان آگاهه ڪيو. هن اميد ظاهر ڪئي ته وزيراعظم شاهد خاقان عباسي پاڪستان ۾ تعليم جو چيمپئين ثابت ٿيندو. وزيراعظم شاهد خاقان عباسي پاڪستان ۾ تعليم خاص طور تي ڇوڪرين جي تعليم جي فروغ لاءِ ملاله يوسفزئي جي ڪوششن جي واکاڻ ڪئي ۽ چيو ته تعليم جو فروغ موجوده حڪومت جي ايجنڊا ۾ پهرين ترجيح آهي.
