اسلام آباد – 16 فيبروري (اي پي پي) صدر ممنون حسين بهار مند جي وڻڪاري مهم جو افتتاح ڪندي چيو آهي ته ماحوليات جي تحفظ ۽ معيشت جي استحڪام لاءِ ٻيلن ۾ اضافي ۽ انهن جو تحفظ ضروري آهي، ان سلسلي ۾ وفاقي وزير مشاهد الله خان جي سربراهي ۾ موسمياتي تبديلي واري وزارت جهاد ڪري رهي آهي. هن اها ڳالهه ايوان صدر ۾ صنوبر جو ٻوٽو هڻي بهار موسم جي وڻڪاري مهم شروع ڪندي چئي. ان موقعي تي خصوصي تقريب کي خطاب ڪندي هن چيو ته موسمياتي تبديلين واري وزارت تحت گرين پاڪستان مهم موسمياتي تبديلي کي منهن ڏيڻ ۾ مددگار ٿيندي.
