اي اين ايف جو مختلف شهرن ۾ منشيات اسمگلنگ خلاف ڪريڪ ڊائون، عورت سميت 7 جوابدار گرفتار

اسلام آباد- 24 آڪٽوبر (اي پي پي) اينٽي نارڪوٽڪس فورس سڄي ملڪ جي مختلف شهرن ۾ منشيات اسمگلنگ خلاف ڪريڪ ڊائون ڪندي 99 ڪلوگرام منشيات هٿ ڪري هڪ عورت سميت 7 جوابدارن کي گرفتار ڪري ورتو. اي اين ايف ترجمان موجب ڪارروائين دوران موٽر وي ٽول پلازا اسلام آباد ويجهو ٻن گاڏين مان 49.2 ڪلوگرام چرس هٿ ڪري عورت سميت 5 جوابدارن کي گرفتار ڪيو ويو. غوري ٽائون اسلام آباد ۾ گاڏي مان 16.8 ڪلوگرام چرس، 300 گرام آئيس، 30 بور پسٽل ۽ گوليون هٿي ڪري جوابدار کي گرفتار ڪيو ويو. لاهور ايئرپورٽ تي سعودي عرب ويندڙ مسافر وٽان 2.485 ڪلوگرام آئيس هٿ ڪري جوابدار کي گرفتار ڪيو ويو. دالبندين ۾ باءِ پاس چاغي ويجهو اينٽيليجنس ڪارروائي ۾ گاڏي جي ڳجهن خانن مان 30 ڪلوگرام آفيم هٿ ڪيو ويو. گرفتار جوابدارن خلاف منشيات جي خاتمي واري ايڪٽ 1997ع تحت ڪيس داخل ڪري وڌيڪ جاچ شروع ڪئي وئي آهي.