والاريل بيت المقدس- 19 آڪٽوبر (اي پي پي) فلسطين اٿارٽي فلسطينين تي اسرائيلي آبادڪارن جي وڌندڙ تشدد ۽ حملن کي نظر ۾ رکندي اولهندي ڪناري ۾ شديد ردعمل کان خبردار ڪيو آهي. پرڏيهي ميڊيا مطابق فتح تحريڪ جي سيڪريٽري جنرل جبريل الرجوب هڪ انٽرويو ۾ چيو آهي ته اهو هڪ ٻرندڙ جبل آهي جيڪو جلد يا دير سان ڦاٽندو. هن زور ڀريو ته ان جو مقابلو پرامن طريقي سان ٿيڻ …
اولهندي ڪناري ۾ اسرائيلي فوج ۽ آبادڪارن جي دهشتگردي سنگين صورتحال جو سبب بڻجي سگهي ٿي: فلسطين اٿارٽي
مزید خبریں
والاريل بيت المقدس- 19 آڪٽوبر (اي پي پي) فلسطين اٿارٽي فلسطينين تي اسرائيلي آبادڪارن جي وڌندڙ تشدد ۽ حملن کي نظر ۾ رکندي اولهندي ڪناري ۾ شديد ردعمل کان خبردار ڪيو آهي. پرڏيهي ميڊيا مطابق فتح تحريڪ جي سيڪريٽري جنرل جبريل الرجوب هڪ انٽرويو ۾ چيو آهي ته اهو هڪ ٻرندڙ جبل آهي جيڪو جلد يا دير سان ڦاٽندو. هن زور ڀريو ته ان جو مقابلو پرامن طريقي سان ٿيڻ گهرجي. هن چيو ته اسرائيلي حڪومت جي سرپرستي ۾ فوج ۽ آبادڪارن طرفان انسانن، وڻن، پٿرن، مسجد ۽ چرچ خلاف ڪيل دهشتگردي شديد ردعمل ۽ ڌماڪي دار صورتحال جو سبب بڻجي سگهي ٿي پر ان جي ڀيٽ ۾ پرامن ۽ تشدد کان پاڪ جدوجهد جو اختيار ڪرڻ سمورن فلسطينين لاءِ هڪ ضرورت ۽ اسٽريٽجڪ چونڊ بڻجي چڪو آهي. هن چيو ته رتوڇاڻ هاڻي قبولڻ جوڳو آپشن ناهي رهيو، نه ئي ان کي ڪنهن قومي آپشن جو حصو هجڻ گهرجي. واضح رهي ته اولهندي ڪناري ۾ تازن مهينن دوران فلسطينين ۽ سندن ملڪيتن تي حملن ۾ اضافو ڏٺو ويو آهي. انهن ۾ زيتون جي باغن تي قبضو ۽ واڍي جي سيزن ۾ هارين تي حملا شامل آهن. فلسطين جي صحت واري وزارت مطابق غزه ۾ اسرائيلي جنگ کانپوءِ اولهندي ڪناري ۾ تشدد جي ڪارروائين جي نتيجي ۾ 1100 کان وڌيڪ فلسطيني شهيد ٿي چڪا آهن.
