انجنيئر امير مقام پاران 8 آڪٽوبر 2025ع تي پاڪستان ۾ آيل زلزلي جي متاثرن کي خراج عقيدت پيش

اسلام آباد-08 آڪٽوبر (اي پي پي) ڪشمير، گلگت بلتستان ۽ سيفران واري وفاقي وزير انجنيئر امير مقام 8 آڪٽوبر 2025ع تي پاڪستان ۾ آيل تباهي آڻيندڙ زلزلي جي متاثرن کي خراج عقيدت پيش ڪيو. خميس ڏينهن پنهنجي بيان ۾ وفاقي وزير انجنيئر امير مقام چيو ته 8 آڪٽوبر 2025ع تي پاڪستان ۾ آيل زلزلو اسان جي تاريخ جو هڪ افسوسناڪ ڏينهن هو جنهن هزارين قيمتي انساني جانيون اسان کان کسي ورتيون ۽ لکين ماڻهن کي بي گهر ڪري ڇڏيو، پر ان سانحي کانپوءِ پوري قوم جنهن يڪجهتي، صبر ۽ استقامت جو مظاهرو ڪيو اهو اسان جي قومي تاريخ جو روشن باب آهي. هن ياد ڪندي چيو ته زلزلي کانپوءِ هن ذاتي طور تي متاثر علائقن جو دورو ڪيو، رليف ڪيمپن ۾ خدمتون انجام ڏنيون ۽ قومي ۽ عالمي ادارن سان گڏجي امدادي ڪاررواين کي منظم ڪيو. هن ان موقعي تي خاص طور تي شهيدن کي ياد ڪيو ۽ سندن وارثن سان يڪجهتي جو اظهار ڪيو. وفاقي وزير چيو ته هي ڏينهن اسان کي ياد ڏياري ٿو ته مشڪلاتون چاهي ڪيتريون به وڏيون هجن جيڪڏهن اوهان متحد آهيو ته ان تي ضابطو آڻي سگهجي ٿو.