اسلام آباد- 22 سيپٽمبر (اي پي پي) پارليامينٽ هائوس اسلام آباد ۾ پاڪستان ۽ مالديپ پارلياماني فرينڊشپ گروپ (پي ايف جي) جو هڪ اهم اجلاس منعقد ٿيو، جنهن ۾ جمهوريه مالديپ جو دورو ڪندڙ پارلياماني وفد سان ٻطرفن لاڳاپن جي سڀني رخن جو تفصيلي جائزو ورتو ويو. اجلاس جي صدارت ڪنوينر پي ايف جي شائسته خان (ايم اين اي) ڪانسٽيٽيوشن روم ۾ ڪئي. اجلاس ۾ قومي اسيمبلي جي ميمبرن سيده …
پاڪستان ۽ مالديپ وچ ۾ پارلياماني رابطا، سڌي ريت هوائي رابطن ۽ واپار کي هٿي ڏيڻ تي اتفاق ڪيو ويو
مزید خبریں
اسلام آباد- 22 سيپٽمبر (اي پي پي) پارليامينٽ هائوس اسلام آباد ۾ پاڪستان ۽ مالديپ پارلياماني فرينڊشپ گروپ (پي ايف جي) جو هڪ اهم اجلاس منعقد ٿيو، جنهن ۾ جمهوريه مالديپ جو دورو ڪندڙ پارلياماني وفد سان ٻطرفن لاڳاپن جي سڀني رخن جو تفصيلي جائزو ورتو ويو. اجلاس جي صدارت ڪنوينر پي ايف جي شائسته خان (ايم اين اي) ڪانسٽيٽيوشن روم ۾ ڪئي. اجلاس ۾ قومي اسيمبلي جي ميمبرن سيده نوشين افتخار، سبين غوري، آسيه ناز تنولي، ماه جبين خان عباسي، اسفند يار ايم ڀنڊارا ۽ سنجي پارواڻي شرڪت ڪئي. ڳالهين جو مرڪز ٻنهي ڀائر ملڪن جي وچ ۾ پارلياماني تعاون، معاشي رابطن، هوائي رابطن (ڪنيڪٽيويٽي)، سياحت ۽ عوامي رابطن کي وڌيڪ مضبوط بڻائڻ هو. مالديپ جي وفد جي آجيان ڪندي ڪنوينر شائسته خان چيو ته پاڪستان ۽ مالديپ جا گڏيل لاڳاپا احترام، گڏيل قدرن ۽ تاريخي ڀائيچاري تي ٻڌل آهن. هن ٻطرفي لاڳاپن کي وڌيڪ مضبوط بڻائڻ لاءِ مسلسل پارلياماني رابطن جي اهميت تي زور ڀريو ته جيئن ٻئي ملڪ هڪٻئي جي قانون سازي ۽ پارلياماني تجربن مان فائدو حاصل ڪري سگهن. هن پارلياماني فرينڊشپ گروپ کي باقاعده اداره جاتي رابطي لاءِ مؤثر فورم قرار ڏيندي ٻنهي پارليامينٽن وچ ۾ گڏيل دورن ۽ ورچوئل رابطن ۾ تسلسل آڻڻ جي خواهش جو اظهار ڪيو. مالديپ جي پارلياماني وفد قومي اسيمبلي سيڪريٽريٽ ۽ پاڪستاني ميمبرن جو گرمجوشي سان مهمان نوازي تي ٿورو مڃيو ۽ پاڪستان سان ڊگهي عرصي کان دوستاڻي لاڳاپن جي اهميت جو ورجاءُ ڪيو. مالديپ جي وفد طبي خدمتن، خوراڪ، تعميرات، سياحت ۽ ماهيگيري جي شعبن ۾ پاڪستان جي جاگرافيائي ويجهڙائي ۽ فني مهارت مان فائدو کڻڻ تي زور ڀريو. ٻنهي طرفن کان پاڪستان ۽ مالديپ وچ ۾ سڌي ريت فضائي اڏامون شروع ڪرڻ جي فوري ضرورت تي خاص زور ڀريو ويو ته جيئن سياحت، واپار، ڪاروبار ۽ طبي سفر ۽ ماڻهن کان ماڻهن جي رابطن ۾ آساني پيدا ٿي سگهي. مالديپ جي وفد مالديپ جي صدر جي پاڪستان جي ايندڙ دوري کي ٻطرفي لاڳاپن ۾ هڪ اهم سنگ ميل قرار ڏنو. پاڪستاني پارليامينٽ جي ميمبرن واپار، سيڙپڪاري، صحت جي سار سنڀال، تعليم، انفارميشن ٽيڪنالاجي، هنرمندي کي هٿي ڏيڻ ۽ زراعت ۾ گڏيل منصوبن جي امڪانن کي اجاگر ڪيو. انهن چيو ته پاڪستان وٽ پنهنجي ماهر هيلٿ ڪيئر ورڪرز، زرعي پيداوار ۽ آءِ ٽي افرادي قوت ذريعي مالديپ جي ترجيحي ضرورتن کي پورو ڪرڻ جي مڪمل صلاحيت آهي. ٻنهي ڌرين اعليٰ سطحي پارلياماني سفارتڪاري ۽ عوامي رابطن کي هڪ فائديمند ڀائيواري ۾ تبديل ڪرڻ جو عزم جو اظهار ڪيو.
