وفاقي گهرو وزير پاران ڪوهاٽ ڌماڪي جي مذمت، جاني نقصان تي افسوس جو اظهار

اسلام آباد – 18 سيپٽمبر (اي پي پي) گهرو معاملن واري وفاقي وزير محسن نقوي ڪوهاٽ ۾ اولڊ پوليس لائين ويجهو ٿيل ڌماڪي جي ڀرپور مذمت ڪئي آهي. پنهنجي بيان ۾ گهرو وزير ڌماڪي جي نتيجي ۾ قيمتي انساني حياتين جي نقصان تي گهري ڏک ۽ افسوس جو اظهار ڪندي شهيدن جي پونئرن سان دلي همدردي ۽ تعزيت ڪئي. هن زخمين جي جلد ۽ مڪمل صحتيابي لاءِ دعا به ڪئي. محسن نقوي پنهنجي بيان ۾ چيو ته ڏک جي هن گهڙي ۾ پوري قوم شهيدن جي ڪٽنبن سان گڏ آهي. هن واضح ڪيو ته خوراجين جون بزدلاڻيون ڪارروائيون دهشتگردي خلاف قوم جي پختي عزم کي ڪڏهن به ڪمزور نٿيون ڪري سگهن.