پاڪستان انڊر 19 ڪرڪيٽ ٽيم انگلينڊ دوري لاءِ رواني

لاهور -30 آگسٽ (اي پي پي) پاڪستان انڊر 19 ڪرڪيٽ ٽيم انگلينڊ جي دوري لاءِ رواني ٿي وئي. قومي انڊر 19 ٽيم لاهور مان دبئي ذريعي انگلينڊ پهچندي، جتي پاڪستان ۽ انگلينڊ جي انڊر 19 ٽيمن وچ ۾ هڪ يوٿ ٽيسٽ ۽ چئن ون ڊي ميچن تي مشتمل سيريز کيڏي ويندي. يوٿ ٽيسٽ 2 کان 5 سيپٽمبر تائين ارونڊل ڪاسل ڪرڪيٽ گرائونڊ ۾ کيڏي ويندي، جڏهن ته چئن ميچن تي مشتمل ون ڊي سيريز 9 کان 16 سيپٽمبر تائين جاري رهندي. ون ڊي سيريز جي پهرين ميچ ارونڊل، ٻي اگلڊ فورڊ جڏهن ته آخري ٻه ميچون ورمزلي ۾ کيڏيون وينديون.