اسلام آباد۔ 14 جولاءِ (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار سان گڏيل قومن جي سيڪريٽري جنرل جي عهدي جي اميدوار مشيل باشليٽ جيريا ملاقات ڪئي، هُن خطي ۾ امن ۽ استحڪام لاءِ پاڪستان جي مسلسل ڪوششن کي ساراهيو. اڱاري ڏينهن پرڏيهي معاملن جي وزارت پاران جاري ڪيل بيان موجب، نائب وزيراعظم ۽ پرڏيهي وزير گڏيل قومن جي منشور جي مقصدن ۽ اصولن کي فروغ، …
نائب وزيراعظم ۽ پرڏيهي وزير سينيٽر محمد اسحاق ڊار سان گڏيل قومن جي سيڪريٽري جنرل جي عهدي جي اميدوار مشيل باشليٽ جيريا جي ملاقات
مزید خبریں
اسلام آباد۔ 14 جولاءِ (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار سان گڏيل قومن جي سيڪريٽري جنرل جي عهدي جي اميدوار مشيل باشليٽ جيريا ملاقات ڪئي، هُن خطي ۾ امن ۽ استحڪام لاءِ پاڪستان جي مسلسل ڪوششن کي ساراهيو. اڱاري ڏينهن پرڏيهي معاملن جي وزارت پاران جاري ڪيل بيان موجب، نائب وزيراعظم ۽ پرڏيهي وزير گڏيل قومن جي منشور جي مقصدن ۽ اصولن کي فروغ، عالمي قانون ۽ عالمي معاهدن جي احترام لاءِ پاڪستان جي مسلسل ۽ پُختي عزم کي ورجايو. هُن عالمي ترقياتي ايجنڊا کي اڳتي وڌائڻ ۾ گڏيل قومن جي اهم ڪردار تي زور ڏيندي چيو ته اداري کي اسرندڙ ملڪن جي ضرورتن ۽ ترجيحن مُوجب موثر ۽ جوابده رهڻ گهرجي. نائب وزيراعظم ۽ پرڏيهي وزير پائيدار عالمي امن جي قيام لاءِ گڏيل قومن جي سلامتي ڪائونسل جي قراردادن تي مڪمل ۽ ايمانداراڻي عملدرآمد ذريعي عالمي تڪرارن جي پرامن حل جي ضرورت تي پڻ زور ڏنو. هن خاص طور تي ڄمون ۽ ڪشمير جي مسئلي ۽ فلسطين جي مسئلي جي منصفاڻي ۽ پائيدار حل جي اهميت کي اجاگر ڪيو. مشيل باشليٽ-جيريا خطي ۾ امن ۽ استحڪام جي فروغ لاءِ پاڪستان جي مسلسل ڪوششن کي ساراهيو ۽ گڏيل قومن جي لاءِ گذريل سالن جي دوران پاڪستان جي قيمتي خدمتن ۽ نمايان ڪردار جي تعريف ڪئي.
