اسلام آباد- 13 جولاءِ (اي پي پي) انساني حقن بابت وفاقي وزير سينيٽر اعظم نذير تارڙ چيو آهي ته پاڪستان ۾ او آءِ سي جي عورتن جي معاملن تي نائين وزارتي ڪانفرنس ڪاميابيءَ سان پڄاڻي تي پهتي، جنهن کان پوءِ تنظيم جي سربراهي پاڪستان کي منتقل ٿي وئي. پاڪستان لاءِ اعزاز سان گڏ اها هڪ اهم ذميداري پڻ آهي، پاڪستان سمورن ميمبر رياستن جي سهڪار سان مسلم عورتن جي سماجي، …
عورتن بابت او آءِ سي وزارتي ڪانفرنس ڪاميابيءَ سان پڄاڻيءَ تي پهتي، پاڪستان مسلم عورتن جي سماجي، معاشي ۽ سياسي ترقيءَ لاءِ فعال ڪردار ادا ڪندو: سينيٽر اعظم نذير تارڙ
مزید خبریں
اسلام آباد- 13 جولاءِ (اي پي پي) انساني حقن بابت وفاقي وزير سينيٽر اعظم نذير تارڙ چيو آهي ته پاڪستان ۾ او آءِ سي جي عورتن جي معاملن تي نائين وزارتي ڪانفرنس ڪاميابيءَ سان پڄاڻي تي پهتي، جنهن کان پوءِ تنظيم جي سربراهي پاڪستان کي منتقل ٿي وئي. پاڪستان لاءِ اعزاز سان گڏ اها هڪ اهم ذميداري پڻ آهي، پاڪستان سمورن ميمبر رياستن جي سهڪار سان مسلم عورتن جي سماجي، معاشي ۽ سياسي ترقيءَ لاءِ فعال ڪردار ادا ڪندو. هو سومر ڏينهن او آءِ سي جي عورتن جي معاملن تي نائين وزارتي ڪانفرنس کانپوءِ پريس ڪانفرنس کي خطاب ڪري رهيو هو. انصاف ۽ انصاف واري مملڪتي وزير بئريسٽر عقيل ملڪ، انساني حقن بابت پارلياماني سيڪريٽري صبا صادق، انساني حقن واري وزارت جي سيڪريٽري عبدالخالق شيخ، اسسٽنٽ سيڪريٽري ۽ او آءِ سي ۽ ٻيا ساڻس گڏ هئا. وفاقي وزير چيو ته او آءِ سي جي سمورن ميمبر ملڪن، سيڪريٽري جنرل ۽ شريڪ وفدن ڪانفرنس کي ڪامياب بڻائڻ ۾ ڀرپور سهڪار ڪيو. هن چيو ته ٻن ڏينهن واري اجلاس دوران ٿيل مشاورت ۽ سفارشن کي ميمبر ملڪن گڏيل طور تي منظور ڪندي ان عزم جو ورجاءُ ڪيو ته مسلم دنيا جي عورتن کي معاشي، سياسي ۽ سماجي ميدانن ۾ بااختيار بڻايو ويندو ته جيئن اهي مردن سان گڏ پنهنجي ملڪن ۽ خطي جي ترقيءَ ۾ اثرائتو ڪردار ادا ڪري سگهن. وفاقي وزير چيو ته ڪانفرنس ۾ جديد ٽيڪنالاجي، جدت ۽ ڊجيٽل موقعن مان عورتن کي فائدو کڻڻ تي خاص ڌيان ڏنو ويو. هن چيو ته ميمبر ملڪ ان ڳالهه کي يقيني بنائڻ لاءِ پنهنجا وسيلا ڪتب آڻيندا ته عورتون جديد ٽيڪنالاجي مان فائدو کڻندي پنهنجي خاندان ۽ پنهنجي ملڪ جي ترقيءَ ۾ ڀرپور ڪردار ادا ڪري سگهن. وفاقي وزير، وزيراعظم محمد شهباز شريف جي اڳواڻي ۽ رهنمائيءَ تي سندس شڪريو ادا ڪندي چيو ته پاڪستان جي عوام ان ڪامياب عالمي ايونٽ جي بندوبست تي مبارڪن جا مستحق آهن. هن ڪانفرنس جي ڪامياب بندوبست تي انساني حقن واري وزارت، پرڏيهي وزارت، قانون واري وزارت، سڌ سماءَ واري وزارت، آءِ ٽي واري وزارت ۽ ٻين لاڳاپيل ادارن جو شڪريو ادا ڪندي چيو ته گذريل ڪيترن ئي مهينن کان سمورن ادارن گڏيل ڪوششن سان هن عالمي اجلاس جي تياري ڪئي. هن نائب وزيراعظم ۽ پرڏيهي وزير اسحاق ڊار، پرڏيهي سيڪريٽري، پنهنجي ٽيم ۽ ٻين عملدارن جي خدمتن کي پڻ ساراهيو. هن چيو ته پاڪستان او آءِ سي جي ميمبر ملڪن جي سهڪار سان مسلم عورتن جي حقن جي تحفظ، ان جي ترقي ۽ بهتر مستقبل لاءِ پنهنجون ذميداريون ڀرپور انداز ۾ ادا ڪندو.
