هيلٿ ايڪسپو عراق ۾ شرڪت لاءِ درخواستون 20 جولاءِ تائين جمع ڪرائي سگهجن ٿيون: ٽي ڊي اي پي

اسلام آباد- 08 جولاءِ (اي پي پي) ٽريڊ ڊولپمينٽ اٿارٽي پاڪستان (ٽي ڊي اي پي) چيو آهي ته عالمي واپاري نمائش هيلٿ ايڪسپو عراق ۾ شرڪت لاءِ 20 جولاءِ تائين درخواستون جمع ڪرائي سگهجن ٿيون. ٽي ڊي اي پي مطابق نمائش عراق ۾ 28 کان 31 آڪٽوبر تائين جاري رهندي، جنهن ۾ پاڪستان جي مقامي فارماسيوٽيڪل، نيوٽريشن اينڊ سپليمنٽ، ويڪسين، اسپتال ٽيڪسٽائل، ليباريٽري ۽ طبي اوزارن سان واڳيل ماڻهو پنهنجي مصنوعات عالمي خريدارن آڏو پيش ڪرڻ سان گڏوگڏ پنهنجا ڪاروباري معاملا طئي ڪري سگهندا. نمائش جي حوالي سان وڌيڪ تفصيل اٿارٽي جي ويب سائيٽ تان حاصل ڪري سگهجن ٿا.