اسلام آباد - 08 جولاءِ (اي پي پي) وقتي صدر سيد يوسف رضا گيلاني سان ملڪ جي مختلف علائقن سان تعلق رکندڙ مختلف سياسي، سماجي ۽ عوامي شخصيتن اربع ڏينهن ايوان صدر ۾ ملاقات ڪئي. ايوان صدر جي پريس ونگ پاران جاري بيان موجب ملاقات ڪندڙن ۾ صوبائي اسيمبلي ميمبر ميان علمدار قريشي، اڳوڻو صوبائي اسيمبلي ميمبر عثمان ڀٽي، اڳوڻو صوبائي اسيمبلي ميمبر قيصر احمد گجر، نيشنل انشورنس ڪمپني جو …
وقتي صدر سيد يوسف رضا گيلاني سان ملڪ جي مختلف علائقن سان تعلق رکندڙ مختلف سياسي، سماجي ۽ عوامي شخصيتن جي ملاقات
اسلام آباد – 08 جولاءِ (اي پي پي) وقتي صدر سيد يوسف رضا گيلاني سان ملڪ جي مختلف علائقن سان تعلق رکندڙ مختلف سياسي، سماجي ۽ عوامي شخصيتن اربع ڏينهن ايوان صدر ۾ ملاقات ڪئي. ايوان صدر جي پريس ونگ پاران جاري بيان موجب ملاقات ڪندڙن ۾ صوبائي اسيمبلي ميمبر ميان علمدار قريشي، اڳوڻو صوبائي اسيمبلي ميمبر عثمان ڀٽي، اڳوڻو صوبائي اسيمبلي ميمبر قيصر احمد گجر، نيشنل انشورنس ڪمپني جو چيئرمين علي سيد، گلوبل مسلم بزنس فورم (ملائيشيا) جو چيئرمين عثمان چوڌري، چوڌري عمر نثار، محمد عمران علي چيئرمين ريوائو پاڪستان، تعليمي ماهر سردار احمد رضا، ڪرنل (ر) نيئر عباس، ملڪ منڪ ران، معظم علي، بئريسٽر مدثر حسين شاهه، حيدر علي، ڊاڪٽر عباس نقوي، ڊاڪٽر سيدين نقوي ۽ ٻيون معزز شخصيتون شامل هيون. ملاقات دوران ملڪ جي مجموعي سياسي، معاشي ۽ سماجي صورتحال، عوامي ڀلائي، قومي ترقي، عوام کي درپيش مسئلن ۽ گڏيل دلچسپي جي ٻين اهم معاملن تي تفصيلي خيالن جي ڏي وٺ ڪئي وئي. ان موقعي تي شرڪت ڪندڙن وقتي صدر سيد يوسف رضا گيلاني جي قومي، سياسي، سماجي ۽ عوامي خدمت کي زبردست خراج تحسين پيش ڪندي ملڪي ترقي، قومي يڪجهتي، جمهوري قدرن جي فروغ ۽ عوامي ڀلائي جي لاءِ سندس ڪردار کي ساراهيو. هنن ملڪ جي استحڪام ۽ خوشحالي جي لاءِ پنهنجي مڪمل حمايت ۽ گڏيل ڪوششن جي عزم جو پڻ اظهار ڪيو. وقتي صدر ملاقات ڪندڙ وفد ۽ شخصيتن جا مسئلا ۽ تجويزون ٻڌيون ۽ لاڳاپيل معاملن جي موثر ۽ وقت سر حل جي لاءِ هر ممڪن قدمن کي خاطري ڪرائي. ان موقعي تي وقتي صدر چيو ته پاڪستان جي پائيدار ترقي، قومي استحڪام ۽ عوام جي خوشحالي جي لاءِ قومي يڪجهتي، موثر طرز حڪمراني ۽ سمورن طبقن جون گڏيل ڪوششون لازمي آهن.
