راولپنڊي - 07 جولاءِ (اي پي پي) اطلاعات ۽ نشريات واري وفاقي پارلياماني سيڪريٽري بئريسٽر دانيال چوڌري چيو آهي ته راولپنڊي اڳوڻي وزيراعظم ميان محمد نواز شريف جو شهر آهي، هتان اليڪشن وڙهندڙ هر اميدوار جي ڪاميابي اصل ۾ قائد مسلم ليگ (ن) ميان نواز شريف جي ڪاميابي هوندي آهي، مسلم ليگ (ن) آزاد ڪشمير قانونساز اسيمبلي جي چونڊن ۾ راولپنڊي سان لاڳاپيل سمورين سيٽن تي ڪاميابي حاصل ڪري اها …
آزاد ڪشمير چونڊن ۾ عوام راولپنڊي سان لاڳاپيل سمورين سيٽن تي ڪاميابي حاصل ڪري اها فتح نواز شريف کي تحفي طور پيش ڪندي: بئريسٽر دانيال چوڌري
مزید خبریں
راولپنڊي – 07 جولاءِ (اي پي پي) اطلاعات ۽ نشريات واري وفاقي پارلياماني سيڪريٽري بئريسٽر دانيال چوڌري چيو آهي ته راولپنڊي اڳوڻي وزيراعظم ميان محمد نواز شريف جو شهر آهي، هتان اليڪشن وڙهندڙ هر اميدوار جي ڪاميابي اصل ۾ قائد مسلم ليگ (ن) ميان نواز شريف جي ڪاميابي هوندي آهي، مسلم ليگ (ن) آزاد ڪشمير قانونساز اسيمبلي جي چونڊن ۾ راولپنڊي سان لاڳاپيل سمورين سيٽن تي ڪاميابي حاصل ڪري اها فتح ميان نواز شريف کي تحفي طور پيش ڪندي. هن اها ڳالهه راولپنڊي ڪينٽ ۾ قومي اسيمبلي ميمبر ملڪ ابرار احمد ۽ صوبائي اسيمبلي ميمبر ملڪ افتخار احمد جي اهتمام هيٺ آزاد ڪشمير چونڊون 2026ع جي سلسلي ۾ چونڊ اجلاس کي خطاب ڪندي چئي. اجلاس کي اڳوڻي وفاقي وزير خواجه سعد رفيق، قومي اسيمبلي ميمبر طاهره اورنگزيب، سينيٽر انوشه رحمان، راولپنڊي جي اڳوڻي ميئر سردار نسيم خان، مسلم ليگ (ن) جي قانونساز اسيمبلي جي ميمبر احمد رضا قادري ۽ راجا صديق پڻ خطاب ڪيو. بئريسٽر دانيال چوڌري چيو ته هو ميان نواز شريف جا پراڻا ڪارڪن آهن ۽ مشڪل ترين حالتن ۾ به پارٽي ۽ قيادت سان ڄمي بيٺل رهيا آهن. هن چيو ته مسلم ليگ (ن) جي قيادت سدائين عوامي خدمت، ترقي ۽ خوشحالي جي سياست کي فروغ ڏنو جنهن جي ڪري عوام اڄ به نواز شريف تي ڀرپور اعتماد جو اظهار ڪري رهي آهي. هن چيو ته راولپنڊي سدائين کان مسلم ليگ (ن) جو مضبوط سياسي مرڪز رهيو آهي ۽ هتان جي عوام هر موقعي تي نواز شريف جي قيادت تي اعتماد جو اظهار ڪيو آهي.
