ايندڙ مالي سال جي پي ايس ڊي پي تحت ڪامرس ڊويزن جي نظرثاني منصوبن لاءِ 89 ملين روپيا رکيا ويا

اسلام آباد- 12 جون (اي پي پي) وفاقي حڪومت ايندڙ مالي سال 27-2026ع جي سرڪاري شعبي جي سالياني ترقياتي پروگرام (پي ايس ڊي پي) تحت ڪامرس ڊويزن جي منصوبي ڪوئيٽا ۾ ايڪسپو سينٽر جي قيام جي نظرثاني منصوبي لاءِ 89 ملين روپين جو بجيٽ رکيو آهي. پي ايس ڊي پي دستاويزن موجب منصوبي تي مجموعي لاڳت جو ڪاٿو 4829.760 ملين روپيا آهي جڏهن ته 30 جون 2026ع تائين هن منصوبي جا امڪاني خرچ 1094.718 ملين روپيا آهن. پي ايس ڊي پي موجب ايندڙ مالي سال 27-2026ع لاءِ ڪوئيٽا ۾ ايڪسپو سينٽر جي قيام جي نظرثاني منصوبي لاءِ 89 ملين روپيا رکيا ويا آهن.