اسلام آباد – 24 آڪٽوبر (اي پي پي) وزيراعظم محمد نواز شريف مستقبل ۾ حاجي سڳورن جي سهولتن کي نظر ۾ رکندي مدينه منوره ۾ حج ڊائريڪٽوريٽ ٺاهڻ جي منظوري ڏئي ڇڏي آهي، جڏهن ته اسلام آباد ۾ موجوده حج ٽريننگ ڊائريڪٽوريٽ کي ترقي ڏئي ڊائريڪٽوريٽ جنرل ٺاهڻ جا حڪم به جاري ڪري ڇڏيا آهن، وزيراعظم محمد نواز شريف سان مذهبي معاملن واري وفاقي وزير محمد يوسف، مذهبي معاملن واري سيڪريٽري مرزا سهيل عامر ۽ جده جي ڊائريڪٽر جنرل حج ساجد يوسفاني وزيراعظم هائوس ۾ ملاقات ڪئي.
