اسلام آباد – 24 آڪٽوبر (اي پي پي) وزيراعظم محمد نواز شريف پاڪستان جي اقتصادي بحالي ۽ معاشي استحڪام جي لاءِ عالمي مالياتي فنڊ (آءِ ايم ايف) جي مدد کي ساراهيندي چيو آهي ته حڪومت جامع سڌارن واري ايجنڊا جي پيروي ڪندي اقتصادي استحڪام حاصل ڪيو آهي جڏهن ته آءِ ايم ايف جي مئنيجنگ ڊائريڪٽر ڪرسٽين لاگارڊ وزيراعظم کي آءِ ايم ايف پروگرام جي ڪامياب پڄاڻي تي مبارڪباد ڏيندي چيو ته ان سان ملڪ جي مثبت عڪاسي ٿي آهي ۽ ان کي ساک ۽ استحڪام جي علامت طور ڏٺو پيو وڃي. هن اهڙن خيالن جو اظهار ملاقات دوران ڳالهائيندي ڪيو. ويراعظم آفيس پاران جاري بيان موجب ڪرسٽين لاگارڊ آءِ ايم ايف پروگرام جي ڪامياب پڄاڻي جي حوالي سان چيو ته اهو توهان جي سفر ۾ هڪ شاندار قدم آهي ته توهان 2 سالن جي گهٽ مدي ۾ بهتر ۽ ٺوس اقتصادي پوزيشن حاصل ڪئي آهي.
