وفاقي وزير ڊاڪٽر طارق فضل چوڌري پاران مري ايڪسپريس وي تي ڏکوئيندڙ روڊ حادثي ۾ 10 قيمتي جانين جي نقصان تي افسوس جو اظهار

اسلام آباد- 10 جون (اي پي پي) پارلياماني معاملن واري وفاقي وزير ڊاڪٽر طارق فضل چوڌري مري ايڪسپريس وي تي پيش آيل ڏکوئيندڙ روڊ حادثي ۾ 10 قيمتي جانين جي نقصان تي افسوس جو اظهار ڪيو آهي. سماجي رابطن جي ويب سائيٽ ”ايڪس“ تي پنهنجي تعزيتي بيان ۾ هن چيو ته الله تعاليٰ مرحومن جي بخشش فرماءِ، سندن درجا بلند ڪري ۽ سوڳوار خاندان کي اهو ڏُک برداشت ڪرڻ جي همٿ ۽ صبر عطا فرماءِ. هن حادثي ۾ زخمي ٿيل سمورن ماڻهن جي جلد ۽ مڪمل صحتيابيءَ لاءِ دُعا ڪئي.