وزيراعظم پاران پنجگور ۾ ڀارتي حمايت يافته فتنه الهندستان جي 6 دهشتگردن کي مارڻ تي سيڪيورٽي فورسز کي خراج تحسين پيش

اسلام آباد-05 جون (اي پي پي)وزيراعظم محمد شهباز شريف بلوچستان جي ضلعي پنجگور ۾ ڀارتي حمايت يافته فتنه الهندستان جي 6 دهشتگردن کي مارڻ تي سيڪيورٽي فورسز کي خراج تحسين پيش ڪيو آهي. وزيراعظم آفيس جي ميڊيا ونگ مان جاري بيان موجب وزيراعظم محمد شهباز شريف چيو ته سيڪيورٽي فورسز معصوم ۽ هٿين خالي پاڪستاني شهرين جي جان ۽ مال کي نقصان پهچائيندڙ ڀارتي حمايت يافته دهشتگردن کي جهنم ڀيڙو ڪيو آهي. هن چيو ته پاڪستان حڪومت ملڪ مان دهشتگردي جي مڪمل خاتمي لاءِ پرعزم آهي.