اسٽيٽ بئنڪ ابوظهبي فنڊ فار ڊولپمينٽ کي هڪ ارب ڊالر واپس ڪري ڇڏيا، گڏيل عرب امارات کي 3.45 ارب ڊالر جي ڊپازٽس جي ادائيگي مڪمل

اسلام آباد-24 اپريل (اي پي پي) اسٽيٽ بئنڪ آف پاڪستان 23 اپريل 2026ع تي گڏيل عرب امارات جي ابوظهبي فنڊ فار ڊولپمينٽ (اي ڊي ايف ڊي) کي هڪ ارب ڊالر جي رقم واپس ڪري ڇڏي آهي. گذريل هفتي 2.45 ارب آمريڪي ڊالر يو اي اي کي واپس ڪيا ويا. جنهن کانپوءِ گڏيل عرب امارات کي مجموعي طور تي 3.45 ارب ڊالر جي ڊپازٽس جي ادائيگي مڪمل ٿي وئي آهي.