اسلام آباد - 20 اپريل (اي پي پي) صدر آصف علي زرداري چيو آهي ته چيني ٻولي جو ڏهاڙو هڪ اهڙي دنيا ۾ جيڪا تيزي سان هڪ ٻئي سان ڳنڍجي رهي آهي، لساني تفهيم جي عالمي اهميت کي اجاگر ڪري ٿو. ايوان صدر جي پريس ونگ پاران جاري چيني ٻولي ڏهاڙي جي موقعي تي پنهنجي پيغام ۾ صدر آصف علي زرداري چيو ته پاڪستان ۾ چيني ٻولي سکڻ ۾ دلچسپي …
چيني ٻولي جو ڏهاڙو لساني تفهيم جي عالمي اهميت کي اجاگر ڪري ٿو: صدر آصف علي زرداري
مزید خبریں
اسلام آباد – 20 اپريل (اي پي پي) صدر آصف علي زرداري چيو آهي ته چيني ٻولي جو ڏهاڙو هڪ اهڙي دنيا ۾ جيڪا تيزي سان هڪ ٻئي سان ڳنڍجي رهي آهي، لساني تفهيم جي عالمي اهميت کي اجاگر ڪري ٿو. ايوان صدر جي پريس ونگ پاران جاري چيني ٻولي ڏهاڙي جي موقعي تي پنهنجي پيغام ۾ صدر آصف علي زرداري چيو ته پاڪستان ۾ چيني ٻولي سکڻ ۾ دلچسپي ۾ مسلسل اضافو ٿي رهيو آهي، خاص طور تي يونيورسٽين ۾ جتي هاڻي باقاعده تدريسي پروگرام قائم ٿي چڪا آهن. ڪراچي يونيورسٽي ۽ پنجاب يونيورسٽي جهڙن ادارن سان گڏوگڏ نيشنل يونيورسٽي آف ماڊرن لينگويجز (نمل) ۾ پڻ شاگردن کي درجابندي موجب تدريس، سرٽيفڪيشن ڪورسز ۽ ثقافتي آگاهي جا موقعا فراهم ڪيا پيا وڃن. هن چيو ته سنڌ ۾ ڪراچي يونيورسٽي جو ڪنفيوشس انسٽيٽيوٽ چيني ٻولي جي تعليم جي هڪ وڏي مرڪز جي طور تي ڪم ڪري رهيو آهي جتي مقامي ۽ چيني استادن جي نگراني هيٺ منظم ڪورسز ۽ تربيت ڏني پئي وڃي. ملڪ جي ٻين حصن ۾ پڻ اهڙي طرح جي قدمن انهن شاگردن ۽ پيشيور ماڻهن جي لاءِ پهچ کي آسان بڻائي ڇڏيو آهي جيڪي عملي طور تي ٻولي جي مهارت حاصل ڪرڻ چاهين ٿا. صدر چيو ته ٻولي سکڻ جي ان عمل ۾ انهن سرڪاري ملازمن جي خصوصي تربيت پڻ شامل آهي جن جي فرضن ۾ چيني شهرين سان هم آهنگي پيدا ڪرڻ شامل آهي. اهڙي تربيت سان گڏيل رابطا بهتر ٿين ٿا ۽ زميني سطح تي ڪم ڪرڻ جا انتظام وڌيڪ موثر ٿي وڃن ٿا. ڪيترن ئي نوجوانن جي لاءِ چيني ٻولي سکڻ هاڻي رڳو شوق نه آهي پر تعليم، واپار ۽ فني تعاون جي موقعن سان ڳنڍيل آهي. اها هڪ اهڙي عملي مهارت فراهم ڪري ٿي جيڪا چيني ڪمپنين، اسڪالرشپ پروگرامن ۽ مختلف شعبن ۾ گڏيل منصوبن سان رابطن کي مضبوط بڻائڻ ۾ مددگار ثابت ٿي سگهي ٿي. جيئن جيئن اهو ڪم اڳتي وڌي رهيو آهي، سمورو ڌيان ان ڳالهه تي هجڻ گهرجي ته ٻولي جي تعليم تائين پهچ آسان ۽ منظم هجي ته جيئن اها حقيقي ضرورتن کي پورو ڪري ۽ ٻنهي ملڪن جي وچ ۾ عملي تعاون کي وڌيڪ مستحڪم بڻائي سگهي.
