اسلام آباد-16 اپريل (اي پي پي) ناڻي ۽ ريلوي واري مملڪتي وزير بلال اظهر ڪياني چيو آهي ته مؤثر، منصفاڻي ۽ ڪاروبار دوست ٽيڪس نظام جوڙڻ لاءِ حڪومت واپارين ۽ ڪاروباري طبقي سان مشاورت ڪري رهي آهي، حڪومت ڪاروبار ۾ آسانيءَ کي هٿي ڏيڻ لاءِ ۽ واپارين سميت ڪاروباري برادريءَ تي تعميل جو بار گهٽ ڪرڻ ۾ پُرعزم آهي. هن اها ڳالهه ايندڙ وفاقي بجيٽ ۽ ٽيڪس سڌارن بابت معاملن …
ڪاروبار دوست ٽيڪس نظام جوڙڻ لاءِ حڪومت واپارين ۽ ڪاروباري طبقي سان مشاورت ڪري رهي آهي: بلال اظهر ڪياني
مزید خبریں
اسلام آباد-16 اپريل (اي پي پي) ناڻي ۽ ريلوي واري مملڪتي وزير بلال اظهر ڪياني چيو آهي ته مؤثر، منصفاڻي ۽ ڪاروبار دوست ٽيڪس نظام جوڙڻ لاءِ حڪومت واپارين ۽ ڪاروباري طبقي سان مشاورت ڪري رهي آهي، حڪومت ڪاروبار ۾ آسانيءَ کي هٿي ڏيڻ لاءِ ۽ واپارين سميت ڪاروباري برادريءَ تي تعميل جو بار گهٽ ڪرڻ ۾ پُرعزم آهي. هن اها ڳالهه ايندڙ وفاقي بجيٽ ۽ ٽيڪس سڌارن بابت معاملن تي ڪاروباري برادري جي نمائندن سان ملاقات ۾ چئي، جنهن جي اڳواڻي حاجي مهر غلام مجتبيٰ، صدر مرڪزي انجمن تاجران سيالڪوٽ ۽ شيخ فضل الرحمان بابر، صدر انجمن تاجران گوجرانوالا ڪئي. ملاقات فنانس ڊويزن ۾ ٿي ۽ هي اجلاس ناڻي واري وزارت، ٽيڪس پاليسي آفيس ۽ ايف بي آر طرفان واپارين تائين رسائي جو هڪ وسيع سلسلي جو حصو آهي. شرڪت ڪندڙن جي آجيان ڪندي مملڪتي وزير پاڪستان جي روانگي واپار واري معيشت ۽ صنعتي پيداوار ۾ سيالڪوٽ ۽ گوجرانوالا جي اهم ڪردار کي ساراهيو ۽ ان ڳالهه تي زور ڀريو ته ان مشاورت جو بنيادي مقصد واپاري برادريءَ کان عملي ۽ تعميري تجويزون حاصل ڪرڻ آهي ته جيئن هڪ مؤثر، منصفاڻو ۽ ڪاروبار دوست ٽيڪس نظام جوڙي سگهجي. هن ٽيڪس نيٽ کي هٿي ڏيڻ جي حڪومتي عزم کي ورجائيندي ان ڳالهه تي زور ڀريو ته ڪاروبار ۾ آساني کي هٿي ڏيڻ ۽ واپارين سميت ڪاروباري برادريءَ تان تعميل جو بار گهٽ ڪيو ويندو. مملڪتي وزير وڌيڪ چيو ته جاري ۽ ايندڙ ٽيڪس سڌارن کي واپارين ۽ ٻين اسٽيڪ هولڊرز سان سڌيءَ ريت مشاورت ذريعي وڌيڪ مضبوط بڻايو ويندو. هن واپارين تي زور ڀريو ته هو ٽيڪس نيٽ کي وڌائڻ، رجسٽريشن ۽ ٽيڪس گوشوارن جي فائلنگ کي يقيني بڻائڻ لاءِ قابلِ عمل تجويزون پيش ڪن. اجلاس دوران واپاري برادريءَ جي نمائندن مختلف ٽيڪس معاملن تي پنهنجي خيالن جو اظهار ڪيو جن ۾ پوائنٽ آف سيل جي نظامن کي لاڳو ڪرڻ، دستاويزي گهرجن ۽ موجوده طريقيڪار کي سادو بڻائڻ جون ضرورتون شامل هيون. هن شفافيت، سهولتڪاري ۽ ٽيڪس ڏيندڙن ۽ ٽيڪس عملدارن جي اعتماد کي هٿي وٺرائڻ جي اهميت تي زور ڀريو. ڪاروباري اڳواڻن بجيٽ کان اڳ حڪومتي مشاورتي قدمن تي اطمينان جو اظهار ڪيو. مملڪتي وزير وفد کي خاطري ڪرائي ته حڪومت ڪاروباري برادريءَ جي جائز مسئلن جي حل لاءِ پُرعزم آهي ۽ اهڙن سڌارا جاتي قدمن تي عمل ڪري رهي آهي جن جو مقصد نظام کي وڌيڪ منصفاڻو بڻائڻ، طريقيڪار جي پيچيدگين کي گهٽ ڪرڻ ۽ ٽيڪس نظام تي اعتماد کي مضبوط ڪرڻ آهي. هن ان عزم کي ورجايو ته سمورن تجويز ڪيل قدمن کي اسٽيڪ هولڊرز سان ويجهي مشاورت ذريعي تيار ڪيو ويندو ته جيئن ن تي مؤثر ۽ هموار عملدرآمد يقيني بڻائي سگهجي.
