مراڪش جي قومي ايئر لائين پاران دبئي ۽ دوحه لاءِ اڏامون 31 مارچ تائين رد

رباط -14 مارچ (اي پي پي) مراڪش جي قومي ايئر لائين رائل ايئر مراڪش وچ اوڀر ۾ جاري تڪرار سبب دبئي ۽ دوحه لاءِ سموريون اڏامون 31 مارچ تائين رد ڪري ڇڏيون آهن. پرڏيهي ميڊيا موجب ايئر لائين پنهنجي ويب سائيٽ تي جاري بيان ۾  ٻڌايو ته ڪاسا بلانڪا ۽ دبئي ۽ دوحه وچ ۾ سموريون اڏامون 31 مارچ تائين رد رهنديون. متاثر مسافرن کي هدايت ڪئي وئي آهي ته اهي اڏامن جي حيثيت باقاعدگي سان چيڪ ڪن ۽ پنهنجي بڪنگ بابت دستياب اختيار ڄاڻڻ لاءِ اصل پوائنٽ آف سيل يا ايئر لائين جي ڪال سينٽر سان رابطو ڪن. بيان ۾ چيو ويو آهي، ته اهو قدم مسافرن ۽ فضائي سفر جي حفاظت کي يقيني بڻائڻ لاءِ کنيو ويو آهي.