اسلام آباد-10 فيبروري (اي پي پي) واپار واري وفاقي وزير ڄام ڪمال خان ۽ ڪمبوڊيا جي واپار واري وزير چام نيمول گذريل ڏينهن ايف پي سي سي آءِ جو دؤرو ڪيو. ان موقعي تي واپار واري وفاقي وزير چيو ته حڪومت جي معاشي سڌارن سبب بلند ناڻي واڌ ۾ گهٽتائي، وياج جي شرح ۾ گهٽتائي ۽ پرڏيهي مٽاسٽا جي ناڻي جي ذخيرن ۾ واڌ ٿي آهي. وفاقي وزير چيو ته …
واپار واري وفاقي وزير ۽ ڪمبوڊيا جي واپار واري وزير جو ايف پي سي سي آءِ جو دؤرو
مزید خبریں
اسلام آباد-10 فيبروري (اي پي پي) واپار واري وفاقي وزير ڄام ڪمال خان ۽ ڪمبوڊيا جي واپار واري وزير چام نيمول گذريل ڏينهن ايف پي سي سي آءِ جو دؤرو ڪيو. ان موقعي تي واپار واري وفاقي وزير چيو ته حڪومت جي معاشي سڌارن سبب بلند ناڻي واڌ ۾ گهٽتائي، وياج جي شرح ۾ گهٽتائي ۽ پرڏيهي مٽاسٽا جي ناڻي جي ذخيرن ۾ واڌ ٿي آهي. وفاقي وزير چيو ته پاڪستان جو سڀ کان وڏو چئلينج هاڻ ترقي آهي جنهن تي ڀاڙڻ چٽاڀيٽي، سيڙپڪاري ۽ مالياتي جڳهه تي آهي. هن چيو ته ايندڙ وفاقي بجيٽ لاڳت کي بهتر بنائڻ ۽ ڪاروبار ڪرڻ ۾ آساني فراهم ڪندو. هن واپاري سفارتڪاريءَ جي حوالي سان پاڪستان جي نقطهءِ نظر جو به خاڪو پيش ڪيو. ڄام ڪمال خان چيو ته حڪومت اسٽيل، فارما، اي پي ايئز، ريفائنريز ۽ معدنيات جي پروسيسنگ جي شعبي ۾ پرڏيهي سيڙپڪارن کي راغب ڪري رهي آهي، حڪومت نار رياستن، چين ۽ آمريڪا سميت ٻين ڀائيوارن سان سيڙپڪاري کي راغب ڪرڻ لاءِ سيڙپڪاريءَ جو پورٽ فوليو ۽ هڪ ايندڙ ايم ڊي آءِ پروگرام تيار ڪري رهي آهي. دؤري دوران ڪمبوڊيا جي واپار واري وزير مهمان نوازي تي ايف پي سي سي آءِ ۽ پاڪستان حڪومت جو ٿورو ادا ڪيو ۽ چيو ته پاڪستان جو هاڻوڪو سفر سهڪار ۽ مضبوط ناتن جي عڪاسي ڪري ٿو. هن چيو ته ڪمبوڊيا ڪاروباري تنظيمن وچ ۾ هم آهنگي کي مضبوط بنائڻ لاءِ سڌارن جو جائزو وٺي رهيو آهي ۽ چيمبر ٽو چيمبر سهڪار ۾ دلچسپي رکي ٿو. هن چيو ته پاڪستان جي ٽيڪسٽائل ويليو چين عام طور تي اسپننگ ۽ تيارين کان وٺي فيبرڪس تائين مربوط آهي. هن چيو ته دواسازي ۽ طبي اوزارن جو پاڪستان مان ڪمبوڊيا ڏانهن روانگي واپار جو هڪ وڏو حصو آهي. چام نيمول چيو ته ڪمبوڊيا آسيان ۽ آر سي اي پي مارڪيٽن ۾ پاڪستاني ڪاروبارن لاءِ گيٽ وي طور تي ڪم ڪري سگهي ٿو. ايف پي سي سي آءِ جي صدر عاطف اڪرم شيخ علائقائي رابطن ۽ جٽادار واپار جي اهميت تي زور ڀريندي چيو ته ٻنهي ملڪن جا ناتا زراعت، چانور، فوڊ پروسيسنگ، ٽيڪسٽائل، فارماسيوٽيڪل، لائيٽ انجنيئرنگ، سياحت ۽ لاجسٽڪس ۾ اعتماد جوڳي صلاحيت رکندڙ آهن. هن چيو ته ايف پي سي سي آءِ ٻه طرفي واپاري ڳاڻيٽو ۽ مارڪيٽ تائين پهچ کي وڌائڻ لاءِ لاڳاپيل ڌُرين سان بي ٽو بي رابطن، نمائشن، سيڙپڪاريءَ جي ميچ ميڪنگ ۽ منظم طريقي سان فالو اپ جي سهولت فراهم ڪرڻ لاءِ تيار آهي.
