اسلام آباد -10 فيبروري (اي پي پي) پاڪستان ۽ ڪمبوڊيا پيداواري لاڳت کي گهٽ ڪرڻ، اعتماد جوڳي سپلاءِ چين کي يقيني بڻائڻ، واپاري سهولتن کي وڌائڻ ۽ لاجسٽڪ ڪنيڪٽوٽي کي بهتر بڻائڻ تي اتفاق ڪيو آهي. واپار بابت وفاقي وزير ڄام ڪمال خان ۽ ڪمبوڊيا جي واپار واري وزير چام نيمول وچ ۾ پاڪستان - ڪمبوڊيا اقتصادي تعاون کي وڌيڪ مضبوط بڻائڻ لاءِ پري جوائنٽ ٽريڊ ڪميٽي جو بندوبست ڪيو ويو. …
پاڪستان ۽ ڪمبوڊيا پاران پيداواري لاڳت گهٽ ڪرڻ، اعتماد لائق سپلاءِ چين يقيني بڻائڻ، واپاري سهولتون وڌائڻ ۽ لاجسٽڪ ڪنيڪٽوٽي کي بهتر بڻائڻ تي اتفاق
اسلام آباد -10 فيبروري (اي پي پي) پاڪستان ۽ ڪمبوڊيا پيداواري لاڳت کي گهٽ ڪرڻ، اعتماد جوڳي سپلاءِ چين کي يقيني بڻائڻ، واپاري سهولتن کي وڌائڻ ۽ لاجسٽڪ ڪنيڪٽوٽي کي بهتر بڻائڻ تي اتفاق ڪيو آهي. واپار بابت وفاقي وزير ڄام ڪمال خان ۽ ڪمبوڊيا جي واپار واري وزير چام نيمول وچ ۾ پاڪستان – ڪمبوڊيا اقتصادي تعاون کي وڌيڪ مضبوط بڻائڻ لاءِ پري جوائنٽ ٽريڊ ڪميٽي جو بندوبست ڪيو ويو. جوائنٽ ٽريڊ ڪميٽي جو ٻيو اجلاس 10 کان 11 فيبروري تي اسلام آباد ۾ منعقد ٿي رهيو آهي. جي ٽي سي جو افتتاحي اجلاس 21 جنوري 2025ع تي نوم پنه ۾ منعقد ٿيو هو. پري جي ٽي سي اجلاس ۾ ٻنهي وزيرن دواسازي ۽ صحت جي سار سنڀال جي مصنوعات، ٽيڪسٽائيل، ويليو ايڊڊ ملبوسات، زراعت، زرعي پروسيسنگ، چمڙي، مينيوفيڪچرنگ سميت ترجيحي شعبن ۾ سهڪار کي وڌائڻ جي موقعن جو جائزو ورتو. ڌرين چيمبرز آف ڪامرس ۽ سيڪٽر ايسوسيئيشنز ذريعي ڪاروبار کان ڪاروبار کي مضبوط بڻائڻ تي اتفاق ڪيو ته جيئن پاليسي ڳالهين کي ٺوس واپاري نتيجن ۾ تبديل ڪري سگهجي. هن روانگي واپار ڪندڙن جي مدد لاءِ موثر شپنگ ۽ علائقائي رابطن جي اهميت تي به زور ڀريو. ملاقات جي پڄاڻي تي ٻنهي وزيرن ان اعتماد جو اطهار ڪيو ته جي ٽي سي جي ايندڙ ڳالهين ۾ ترجيحي شعبن ۽ عملي ڊليوري ايبلز جي نشاندهي ڪرڻ ۾ مدد ملندي. جنهن سان پائيدار تعاون ذريعي پاڪستان ۽ ڪمبوڊيا جا اقتصادي لاڳاپا وڌيڪ مضبوط بڻجندا.
