نائب وزيراعظم ۽ پرڏيهي وزير سينيٽر محمد اسحاق ڊار سان  روسي فيڊريشن جي سفير البرٽ پي خوريف جي ملاقات

اسلام آباد -07 فيبروري (اي پي پي)  نائب وزيراعظم ۽ پرڏيهي وزير سينيٽر محمد اسحاق ڊار سان  پاڪستان ۾ روسي فيڊريشن جي سفير البرٽ پي خوريف ملاقات ڪئي. ڇنڇر ڏينهن پرڏيهي آفيس جي مطابق ٻنهي ڌرين پاڪستان ۽ روس جي وچ ۾ ٻطرفي لاڳاپن جي سڀني رُخن جو جائزو ورتو ۽ گڏيل لاڳاپن کي وڌيڪ مضبوط ڪرڻ لاءِ پنهنجي گڏيل عزم کي ورجايو. روسي سفير اسلام آباد ۾ جمعي جي نماز دوران هڪ مسجد ۾ دهشتگرد حملي ۾ قيمتي جانين جي نقصان تي تعزيت جو اظهار ڪيو. نائب وزيراعظم ۽ پرڏيهي وزير دهشتگردي جي هن ڪڌي عمل جي سخت مذمت ڪئي ۽ دهشتگردي جي هر شڪل خلاف پاڪستان جي اڻٿڪ عزم کي ورجايو. انهن متاثر خاندانن سان يڪجهتي جو اظهار ڪيو.